आताशा हे रोजचेच होऊन गेलंय.....
दिवस रेटायचा,तुझ्या आठवणिंची ऊजळणी करत,
अन् संध्याकाळ.......
तुझ्या येण्याची वाट बघत!
आताशा हे रोजचेच होऊन गेलंय.....
संध्याकाळ झाली की, माझा जणू सुर्य ऊगवतो!
माझ्या क्षणोक्षणी डोकावण्याची,
आरसाही जशी …...वाट पाहतो!
आताशा हे रोजचेच होऊन गेलंय.....
तू येणार नाहीस, हे पक्कं ठाऊक असतं मला,
कारण तू येणार नव्हतास... कधीच!
पण तरीही रेंगाळत राहते नजर, आत - बाहेर......
अन् पुन्हा तोच सुर्यास्त, दिवस ढळण्यआधिच्!
आताशा हे रोजचेच होऊन गेलंय.....
आरती...
No comments:
Post a Comment