प्रत्येक जण असतोच प्रेमात स्वतःच्या.....
तू प्रेमात पडलिएस कुणाच्या?
दचकलेच या प्रश्नाने मि कणभर
काय ग, अस का विचारलेस,
सावरले स्वतःला क्षणभर
चेहरा बघ कुणीही सांगेल,
अन तुझ्यातला हा बदल निरंतर
मग मात्र वेळ मारून नेली
की सांगते नंतर...
भेदरले, सैरभैर झाले,
माझेच मला प्रश्न अवांतर
छे! हे काय वय आहे प्रेमात पडायचे,
किती सहज सोपे उत्तर!
कुणी आवडतय? भुरळ घालतय?
नाही! तस काहीच नाही, मि ठामच माझ्यावर
मग हा बदल कसला... अनुभवतेय मि पण
का वाटतेय हसावे, फुलावे , उड़ावे आकाशभर!
हो! हे प्रेमच...
माझेच माझ्यावर!
नव्याने जडलेले, पुन्हा बहरलेले
आत्मविश्वासाने फुललेला मोहोर!
...आरती
No comments:
Post a Comment