खूप दिवस झालेत.....

आज पुन्हा तू खुप खुप आठवतोयस....
किती दिवस झाले ना भेटून!

आठवतेय ती दोघांची भल्या पहाटेची सहल,
टपरीवरचा चहा, अन् आपल्या गाण्यांची मैफल!
तुझं ते मुखडा गुणगुणनं....
अन् माझं अंतरा उचलून धरणं,
मधेच नजरेतलं नजरेत मिसळनं....
खरंच खूप दिवस झालेत रे भेटून.....!

आठवतंय... तो नेहमीच्या हॉटेलातला चाट समोसा...
दोघांत एकच!
अन् सोबत.... अवांतर गप्पा, काहीही, कशावरही....
फक्त दोघातच!
काही सुटू नये म्हणून तुझं ते यादीच बनून आणनं...
अन् माझं, अरे तुला सांगायचं च राहीलं...' म्हणत पुन्हा सतत बडबडन....
खरंच खूप दिवस झालेत रे बोलून.....!

माहित आहे रे... रोजच भेटतो,बोलतो आपण!
एकाच तर घरात राहतो आपण!
पण तरी...., तरी खूप खूप आठवतोयस तू मला....
सांग ना, कळतंय ना तुला सगळं?
खरंच खूप दिवस झालेत रे कळून....!

आरती...