क्षणात ऊन जसे कांचनरुपी,
क्षणात सरीवर सर....
भास हे नजरेचे की
तू असशी खरोखर?
मन आठवांच्या वाटेवर!
काळे-सावळे घन गरजती,
शुभ्र जल धारा बरसती,
वर्षाव प्रेमाचा तुझ्या की
मी स्वप्नात मनोहर?
मन आठवांच्या वाटेवर!
सोबत तुझ्या हा गार वारा!
अंगावर माझिया आणि शहारा
हा स्पर्श तुझा धिटाईचा की
मोरपिस फिरे अलवार?
मन आठवांच्या वाटेवर!
म़ूगनयनी,... समजून श्रावणधारा....
अडकला जीव, हा तर वादळवारा!
राजकुमार तू अश्वारुढ की,
पारधि करतसे शिकार....
मन आठवांनी घायाळ!
आरती...
मी अबोली !
- आरती
- हवंय मला एवढंस् आभाळ....... नजरेत सामावेल ईतकच. हवंय मला एवढंस् आभाळ....... कवेत मावेल ईतकच. अन् हव्यात मला सार्या चांदण्या लुकलुकत्या त्या एवढ्याश्या आभाळाईतक्याच!
No comments:
Post a Comment